ଶୀତଦିନରେ ଅନେକ ଲୋକ ଦିନର ଆରମ୍ଭ ଚା’ ବା କଫି ପିଇ କରିଥାନ୍ତି। କିନ୍ତୁ ଏହା ଶରୀର ପାଇଁ କ୍ଷତିକାରକ ଅଟେ। ଶୀତଦିନେ ଗରମ ଲେମ୍ବୁ ପାଣି ପିଇବା ଶରୀର ପାଇଁ ଲାଭଦାୟକ ଅଟେ ଏବଂ ଏହି ପାଣିକୁ ଖାଲି ପେଟରେ ପିଇବା ଆବଶ୍ୟକ । ଜାଣିବା ଗରମ ଲେମ୍ବୁ ପାଣି ପିଇବା ଦ୍ୱାରା ଶରୀରକୁ କ’ଣ ସବୁ ଲାଭ ମିଳିଥାଏ ?
-ଡାକ୍ତରମାନଙ୍କ ମତରେ ଶୀତଦିନରେ ଗରମ ଲେମ୍ବୁ ପାଣି ପିଇବା ଦ୍ୱାରା ଶରୀରରେ ଥିବା ବିଷାକ୍ତ ପଦାର୍ଥ ପରିସ୍ରା ମାଧ୍ୟମରେ ବାହାରକୁ ବାହାରି ଯାଇଥାଏ। ଯାହାର ସିଧା ପ୍ରଭାବ ପାଚନ କ୍ରିୟା ଉପରେ ପଡିଥାଏ।
-ଯଦି ଆପଣଙ୍କର କୋଷ୍ଠକାଠିନ୍ୟ ସମସ୍ୟା ଅଛି ତେବେ ନିୟମିତ ସକାଳ ସମୟରେ ଗରମ ଲେମ୍ବୁ ପାଣି ପିଇବା ଦ୍ୱାରା ଆରାମ ମିଳିଥାଏ ।
– ଗରମ ଲେମ୍ବୁ ପାଣିରେ ଭିଟାମିନ୍ ସି, ପଟାସିୟମ ଏବଂ ଆଇରନ ଥିବାରୁ ଶରୀରରେ ପିଏଚ୍ ସ୍ତର ନିୟନ୍ତ୍ରଣ ହୋଇଥାଏ ଓ ଶରୀରରେ ଥିବା ବିଷାକ୍ତ ପଦାର୍ଥକୁ ବାହାରକୁ ବାହାର କରି ଯକୃତକୁ ସକ୍ରିୟ କରିଥାଏ ।
– ନିୟମିତ ଗରମ ଲେମ୍ବୁ ପାଣି ପିଇବା ଦ୍ୱାରା ଫ୍ୟାଟ୍ କମ ହୋଇଥାଏ । ଏହା ସହିତ ଥଣ୍ଡା, ଜ୍ୱର ଏବଂ କାଶ ଭଳି ସମସ୍ୟା ମଧ୍ୟ ଠିକ ହୋଇଥାଏ ।
No comments:
Post a Comment